تامر يا "صوت العرب ".. وصلت رسالتنا يا تامر .. عايزين السلام .. السلام وبس

مهما اتكلمت عنك
كلامي فيك مش هيخلص ابدا
اقولك ايه انا بس كل ثانية بتفوت عليا وانت افضل الفنانين بالنسبالي
بتزيد في نظري بتعلى في نظري
طول ما انا واحدة من جمهورك بيزيدني الفخر فخرا بكوني
واحدة من الناس الي بيحبوك وبينصفوك دايما
اقول ايه انا بس
تامر غنى للسلام وللعنصرية
تامر غنى للعرب وغنى لمعاناتنا كعرب
تامر بينادي بصوتنا
تامر بيغني بصوتنا
تامر بيحس باحساسنا
تامر عارف احنا بنحلم بايه
تامر واحد مننا
بتغني للسلام يا تامر
حاسس بينا يا تامر حاسس بمعاناة اغلبية شعوبنا
حاسس بمعاناه كل واحد بشرته سمرة
وحاسس بالذنب رغم ان جواه طيبة وحب للي حواليه
حاسس بالناس الي حواليك
حاسس باخواتك واهلك العرب
تامر بيدعوا للسلام بيدعوا لعدم التفريق
بين الشعوب بسبب لون او دين او جنس
تامر بيدعوا للمساواة واننا نعيش كلنا سواسية
مهما كانت وجهة نظرنا
تامر بيوصل رسالتنا للغرب
علشان يسمعونا ويقروا رسالة العرب
الي علطول مفهومين غلط
وهم في الحقيقة غايتهم الوحيدة هي السلام
وعدم التفريق بين الشعوب بسبب
اختلاف وجهات النظر
يعني ايه لونك او لوني مش زي بعض
يعني ايه عقيدتك مش زي عقيدتي
يعني ايه بلدك غير بلدي
يعني ايه جنسك غير جنسي
يعني ايه كل ده
ده مش معناه انك تكرهني
معناه اننا بشر
وكل واحد له حياة لازم يعيشها
انا ماليش دعوة احاسبك ليه
دي حياتك انت ومن حقك تعيشها
طالما عندنا رب كبير هو الي منظم الحياة دي
علشان يحاسبنا عليها انا هحاسبك ليه
وباي حق ..؟
صدقت يا تامر صدقت يا ملاك
صدقت يا عربي صدقت يا صوت العرب
وصلت رسالتنا اخيرا
باغنيتك
Just peace
رسالة للغرب بتوريهم اننا عايزين السلام
السلام وبس
مش عايزين اكتر من كده عايزين كل واحد
يتهنى بحياته وربنا الي يحاسبه عليها
اغنية احساس نص عربي ونص انجليزي
بتعرف الغرب اننا عرب ناس مسالمين جدا
بنحب الحياة الي احنا عايشينها وعايزين نعيشها
عايزين نضحك ونفرح ونحس بالامان
عايزين نتطمن ونتبتسم وما نعرفش الالم تاني
عايزين السلام
تامر جمع كل احاسيسنا ورغباتنا في السلام في الاغنية
دي الي جمعت بين العربية والانجليزية الي غناها باتقان
صدقوا لما قالوا ان تامر حسني خليفة مايكل جاكسون
نفس الطموح ونفس استغلاله للغنا ولوضعه
لحاجة يفيد بيها البشر
مش بس علشان الشهر والفلوس واللبس والاضواء
تخيلوا لو اتحقق السلام على ايدين تامر
لو الناس نسيت كل مصلحة بتعملها من ورا العداوة
وفكروا في السلام انا مش بحلم
الكلام ده بجد انا سمعت ان تامر حسني
هيسافر امريكا يستلم جايزة صوت السلام من باراك اوباما في
مقابلة مدتها 25 دقيقة زي ما سمعت والله
وهيتكلموا في مشوار الخير والسلام الي تامر
بيعمله ومخططات تامر
اقول ايه انا بس تامر لو الكلام ده كان بجد
هعيط من الفرحة هعيط ان تامر ربنا نصفه اخيرا
انا سمعت الاغنية دي قولت في نفسي تامر
وصل تامر على منصة التتويج تتويجه كاحسن مطرب
مطرب بجد عرف يوصل صوته ويستعمله في حاجة تطربنا
وتحقق المصلحة العامة
تامر بيغني عن السلام
ياااااااااااااااااااااه
رسالتك وصلت يا تامر افرح افتخر انك البني ادم ده
افتخر ان ربنا نصفك افتخر انك كنت مؤمن بربنا
وصبرت وربنا ما اتأخرش عليك وعانك
واحنا كمان من حقنا نفخر بيك نفخر اننا من اول الناس
الي شجعتك ووقفت جنبك وانت فتحتلهم قلبك
انت اسطورة بجد كلامي فيك خلص يا تامر
دموعي نزلت وانا بسمع الاغنية دي
احنا محتاجين لكده فعلا فنان بجد فنان يبقى صوتنا صوت العرب
فنان بينادي بصوتنا فنان مش ناسينا
ان شاء الله السلام هيتحقق على ايديك يا تامر
وهتعرف باغنيتك دي تحرك مشاعر كل قاسي وتهزها
هتحول القاسي لرحيم
صوتك وصل
بحييك يا تامر على اختيارك للفكرة وللكلمات والالحان
وعلى احساسك بينا
Just Peace
لخصت كل كلمة كانت محفورة جوة قلبنا وخايفين نطلعها
علشان ما نتعاقبش من اعداء السلام
وصلت رسالتنا يا صوت العرب
قويتنا ومليتنا بروح العزيمة بقيت لساننا يا تامر
بس بالاغنية دي
السلام وبس
مش عايزين اكتر من كده والله
صدقت يا تامر لما خليتنا نثق فيك من الاول
شرفتنا ورفعت راسنا حققت حلمنا
وما كسرتش طموحنا ولا سمحت لحد انه يكسره
العنصرية والسلام
لو يتمحوا برسالتك دي يا تامر هنكون احسن
اختلاف وجهات النظر
مهما كانت سياسا اقتصاديا فنيا جنسيا دينيا
او بسبب لوني ولونك
لوني وونك هيفيد بايه طالما الي جوانا هو دليلنا
ممكن اكون زنجية زي ما بيقولوا
بس كون شايلالك في قلبي حب كبييير واخلاص
وابقى احسن من مية واحد ابيض شايل في قلبه حقد
وكره
ليه تكرهني وانا بحبك ومش بتمنالك غير الخير
ليه تكرهني علشان ديني ونظام بلدي السياسي
طالما جوايا حاجة حلوة
ليه بنحكم بالمظاهر احنا بشر مش من حقنا نعاقب بعض
اول مرة احس اننا حافظة اغنية من قبل ما اسمعها
وما احتجش اننا اقعد حفظها
اول مرة احس ان في اغنية بتحكي عني وعن حلمي
وحلم ناس كتيرة زيي
اول مرة احس بالامل في حاجة كنت محبطة منها
واحس ان الامل ده امل بجد
هيبقاله نتيجة كبيرة
تامر مش فنان وبس تامر واجهتنا ورمز لينا كعرب
تامر كبر اوي يا تيمورية تصدقوا حاسة دلوقتي
اننا زي الست الكبيرة الي لاحظت ان ابنها كبر
وبتدعي ربنا يخليهولها
فعلا تامر كبر من اول حبيبي وانت بعيد لحد ما بقى يغني للسلام
ويوصل رسالة ملاييين بصوته
علقنا املنا بيك لانك بقيت جزء من املنا
وطالما حلمنا هو حلمك
يبقى نجاحك هيبقى نجاحنا
لاننا كلنا عرب وانت الي عرفتني يعني ايه عروبة
يعني كلنا واحد
يعني كلنا شخص واحد بيحمل اسامينا
وبيحمل العروبة كرمز ودراع ووسام
مش عايزين غير السلام ...والله السلام وبس

تسلم يا زائر



ومستنين الشغل الجاى